اللحظة الاخباري - كشفت الفنانة فرح الزاهد عن سعادتها الكبيرة بردود الفعل حول مسلسلها الجديد "لينك" وتصدره قوائم المشاهدة، مشيرة الى أن شخصية "سعاد" التي قدمتها كانت من أقرب الأدوار الى قلبها.

وقالت فرح في تصريحات صحافية: "أنا مبسوطة جدًا من ردود الفعل على شخصية سعاد، وبشوف كل يوم كومنتات من الناس على فيسبوك وإنستغرام، حتى على جروب الماميز بيتكلموا عنها، الناس اتكلمت عن الست اللي بتعيش ضحية مع جوزها، وسعاد غلطت لأنها قبلت ده. نفسي كل ست تتعلم من تجربتها وما تسيبش نفسها في علاقة مؤذية."

وأضافت فرح أن التجربة كانت ثرية على المستوى الإنساني والفني: "رسالتي لكل أم: أوعي تنسي حلمك لمجرد إنك خلفتي. الأمومة مش نهاية الحلم، بالعكس دي دافع إنك تكوني أقوى."

• فرح الزاهد تتحدث عن كواليس دورها في "لينك"

كما تحدثت الزاهد عن كواليس العمل قائلة: "اتشرفت إني اشتغلت مع نجوم كبار زي سيد رجب، رانيا يوسف، ميمي جمال، وأحمد صيام، واتعلمت منهم كتير جدًا. وكمان الشباب الجميلين زملائي زي سليم الترك، محمود ياسين جونيور، كريم العمري، لينا صوفيا، وزينب العبد."

وتابعت: "الورق بتاع محمد جلال رائع جدًا، والمخرج محمد حماقي كان دايمًا معانا في كل تفصيلة وبيوجهنا بحب وهدوء وبشكر المنتج أحمد بلال والمنتجة إيمان أبوالدهب لأنهم سهلوا كل حاجة لينا ووقفوا جنب كل الفنانين."

وعن المشاهد الأقرب الى قلبها، أوضحت فرح: "من أحب المشاهد ليا كان مع سيد رجب، حسيت فيه بمشاعر الأب الحقيقية. أما أصعب مشهد فكان لما اكتشفت الخيانة، وكمان مشهد موتنا بفتكر أمي وأنا بتكلم مع رانيا يوسف اللي بكيت فيه 8 دقايق متواصلة."

واختتمت حديثها برسالة للجمهور: "المسلسل لكل أفراد العيلة، بيجمع كل الأعمار وده سر نجاحه. واستنوا سعاد فى الحلقة الأخيرة فيها مشاعر ومفاجآت كتير."

ويشارك في بطولة المسلسل كل من: سيد رجب، رانيا يوسف، ميمي جمال، محمود ياسين جونيور، فرح الزاهد، مينا أبو الدهب، لينا صوفيا، سليم الترك، أحمد صيام، زينب العبد، هيثم نبيل، وتامر فرج.