اللحظة الاخباري -

رفضت ندى كامل، طليقة الفنان المصري أحمد الفيشاوي، اعتذار الداعية مظهر شاهين، بعد تبادل الاتهامات والهجوم بينهما خلال الأيام القليلة الماضية على مواقع التواصل.

وقالت ”كامل“ في تصريحات تلفزيونية جديدة إن قصة خلافها مع مظهر شاهين بدأت بعد أن قرأت تعليقا عبر إنستغرام عن الأديان السماوية، فردت عليه، ولم تكن تعرف أنه عن المساكنة.

وأضافت ندى أنها لا تؤمن بالمساكنة ولا تشجع عليها، أو حتى على طرح موضوعها للنقاش، وتشجع على الزواج.

وتابعت طليقة أحمد الفيشاوي أنها وجدت في اليوم التالي ردًا من الداعية مظهر شاهين شعرت من خلاله أنه هجوم وتنمر عليها شخصيا، بطريقة أدخلتها في دائرة ليس لها علاقة بها.

كما علقت: ”لقيت الأستاذ بيقول إني نافخة وعاملة بوتكس وفيلر، هو حضرتك مركز فيا ولا في كلامي!“.

وردا على سؤال لماذا خرج الموضوع عن دائرة النقاش في قضية فكرية؟، قالت: ”الموضوع بالنسبة لي قضية فكرية إنسانية بحتة، لكن بالنسبة له هو نقاش ديني حاد بين شخص لا يفهم في الدين، وبين عالم كبير، وهذا غير صحيح“.

ولفتت ندى كامل: ”مالكش حق تبص على جسمي، أو ترد علي رد غير لائق، دي مش شغلتك دي شغلة دكاترة التجميل، مش شغل داعية“. وأكملت: ”اعتذاره غير مقبول بالمرة“.

وأوضحت في تصريحاتها الجديدة: “وصلني كلام في ناس بتقولي إن أنا ملحدة.. لأ يا استاذ انت خليت الناس تقول عليا ملحدة ومرتين في البوست بتاعك اللي انت قولت مش هترد عليا فيه رديت عليا فيهم في 15 سطر. لو انت مكنتش هترد عليا كنت هترد عليا في قد إيه؟ وامبارح بيقول أنا بخاف على الفتنة والدين.. الفتنة إيه؟ حضرتك اللي مفتون“.

وأكدت: ”الموضوع خلص وأنا في ناس كتير كلموني وأنا حبيت أخلص الموضوع لإن حضرتك تعرفني وعارف كويس أوي إن أنا مش هدخل في مهاترات تانية مع ده ولا مع غيره.. وقبل ما أنهي كلامي مع حضرتك خلاني أوصل للدرجة دي وأنزل للطريقة دي على الأقل أنا بني آدمة مواطنة عادية لكن حضرتك شيخ مش المفروض تقولي الكلام ده“.

واختتمت ندى، حديثها قائلة: ”الشخص ده أو الإنسان ده أنا جالي منه تجاوزات شخصية وأترفع إن أنا أرد عليها دلوقتي أو بعدين وأنا مش هتكلم فيها“.

بداية خلاف ندى كامل ومظهر شاهين وكانت بداية الخلاف عندما علق الداعية المصري على تصريحات الفنان محمد عطية التي أعلن فيها تأييده للمساكنة، وحديثه عن وجود آلاف الديانات.

وقال الداعية مظهر شاهين: ”الأرض ليس عليها سوي ثلاث رسالات سماوية فقط يشملها الإسلام، وليس 4200 دين كما تزعم، إلا إذا اعتبرت عبادة الفئران دين وهذا خبل، و غباء البعض ليس مسؤولية الإسلام“.

ويبدو أن تعليق الداعية لم يرُق لندى كامل، فأبدت وجهة نظرها قائلة: ”الأرض عليها 8 مليارات إنسان، تلتهم عايشين في فيضانات وجفاف وحرب، اسكت والنبي عشان الأرض مش ناقصاك، يا ريت تمارس إنسانيتك شوية وتحترم ريحة الدم والحرب والخراب“.